Ágæta félagsfólk,
Stjórn Félags náms- og starfsráðgjafa boðar til aðalfundar 6. maí kl. 13:30 í húsakynnum Flensborgarskólans í Hafnarfirði. Streymi verður í boði fyrir félagsfólk sem kemst ekki á staðinn.
Dagskrá aðalfundar er samkvæmt 8. grein laga :
Kosning fundarstjóra og fundarritara·
Skýrsla stjórnar·
Ársreikningur ·
Umræður um skýrslu stjórnar og reikninga félagsins·
Lagabreytingar·
Nefndastörf·
Umræður og afgreiðsla mála·
Kosning formanns og stjórnar·
Önnur mál.
Félagsfólk er beðið að lesa yfir tillögur stjórnar FNS að lagabreytingum sem bornar verða upp til atkvæða á aðalfundinum. Þær hafa verið sendar félagsfólki í tölvupósti. Tillögur stjórnar lúta að því að gera starfsemi félagsins enn skýrari og skilvirkari og endurspegla hið víðfeðma starf sem unnið er í þágu félagsfólks og hagsmunagæslu faggreinarinnar.
Í beinu framhaldi af aðalfundi er boðað til fundar með nýrri stjórn, nefndum og ráðum 2024-2025 þar sem lögð verða drög að starfsáætlun næsta starfsárs.
Fyrir hönd stjórnar Félags náms- og starfsráðgjafa,
Jónína Kárdal, formaður
