Mæti á staðinn 3. júní: Tímastjórnun og lyklar að vellíðan á vinnustað

18.000 kr.

Námskeiðið er styrkt að fullu fyrir náms- og starfsráðgjafa í framhaldsskólum og þeim því að kostnaðarlausu. Ráðgjafar í framhaldsskólum geta einnig sótt um að fá ferða- og gistikostnað endurgreiddan í gegnum SEF. Ef pláss leyfir geta náms- og starfsráðgjafar á öðrum vettvangi einnig skráð sig gegn gjaldi.

  • Frítt fyrir náms- og starfsráðgjafa í framhaldsskólum (notið kóðann: “felagiFF2024” til að fá 100% afslátt).
  • 18.000 kr fyrir náms- og starfsráðgjafa sem starfa á öðrum vettvangi.

Námskeiði verður haldið 3. júní, kl. 9-16 í fundarsal KÍ í Borgartúní 30.

Tvíþætt endurmenntunarnámskeið fyrir náms- og starfsráðgjafa. Markmið námskeiðsins “Tímastjórnun og lyklar að vellíðan á vinnustað” fyrir náms- og starfsráðgjafa í framhaldsskólum, er að endurmennta og styðja við færni náms- og starfsráðgjafa til að taka takast á við krefjandi og fjölbreytt starf í síbreytilegum aðstæðum.

Í fyrra hluta námskeiðsins er lögð áhersla á að efla og styrkja færni í vinnutímastjórnun og vali á innihaldi verkáætlana í starfi. Hrönn Baldursdóttir, náms- og starfsráðgjafi og eigandi “Þín leið” mun sjá um kennslu fyrri hluta námskeiðsins.

Seinni hluti námskeiðsins snýr að hugarfari og vellíðan á vinnustað þar sem hugtök eins og ferlar, samskipti, árangur og líðan verða í fyrirrúmi. Náms- og starfsráðgjafar sinna krefjandi starfi og því mikilvægt að þeir búi yfir þekkingu og aðferðum til að meta álag, stöðu sína og líðan á vinnustað út kenningum og aðferðum vinnustaðasálfræði. Hrefna Guðmundsdóttir, vinnusálfræðingur og sérfræðingur í jákvæðri sálfræði mun sjá um kennslu seinni hluta námskeiðsins

In stock

-
+

Nánari upplýsingar