Nanna Halldóra Imsland hlýtur viðurkenningu fyrir störf í þágu náms- og starfsráðgjafar

Nanna Imsland er náms- og starfsráðgjafi við Menntaskólann á Egilsstöðum (ME) og hóf störf þar árið 2015  að lokinni meistaragráðu í náms- og starfsráðgjöf frá Háskóla Íslands.

Nanna sinnir náms- og starfsráðgjöf innan teymis Nemendaþjónustu ME   Með nýstárlegum hætti og notkun stafrænna miðla hefur Nönnu tekist að nálgast nemendur bæði innan og utan ME til dæmi  með framsetningu gagnabanka þar sem hægt er að nálgast upplýsingar um þætti er viðkemur vellíðan og velgengni í námi. Sérstaklega ber að geta hagnýtra upplýsinga fyrir nemendur sem eru með lesblindu eða eru með sértæka námsörðugleika.   Starf Nönnu og Nemendaþjónustunnar hefur vakið athygli og fengið verðskuldaða viðurkenningu, frá Félagi lesblindra og Rótarý hreyfingunni.  

Nanna sinnir starfi sínu af mikilli alúð og óeigingirni og hikar ekki við að deila efni og  ýmsum fróðleik með öðrum náms- og starfsráðgjöfum.  Þetta verður til þess að styðja við samstöðu innan stéttarinnar og auka sýnileika hennar. Á vef Nemendaþjónustu ME er Nönnu lýst á eftirfarandi hátt með fimm jákvæðum lýsingarorðum; metnaðarfull, heiðarleg, útsjónarsöm, þolinmóð og staðföst.

Hér er hægt að fara inn á upplýsingar um náms- og starfsráðgjöf Nemendaþjónustu ME

Netfang: nanna@frae.is

Föstudagur, 29. október 2021 - 17:15