Fréttir

Til hamingju!

Guðríður Aadnegard náms- og starfsráðgjafi og umsjónarkennari við Grunnskólann í Hveragerði hlaut hvatningarverðlaun dags gegn einelti. Hún er svo sannarlega vel að þeim komin, vinnur öflugt starf innan grunnskólans þar sem hún er málsvari nemenda og gætir að velferð þeirra.

Í þakkarræðu sinni fór hún með ljóð eftir Úlf Ragnarsson lækni sem hún sagði að væri leiðarljós sitt í starfi.

Forseti Íslands, Guðni Th. Jóhannesson, Guðríður Aadnegaard, Mennta- og menningarmálaráðherra, Lilja Dögg Alfreðsdóttir og Sigrún Edda Eðvarðsdóttir formaður Heimilis og skóla

Til hamingju með dag íslenskrar tungu!

Það er mikilvægt að eiga orð yfir allt það sem lýsir tilveru okkar og gefur lífinu lit og blæbrigði. Það er ákveðið tjáningarform.

Þegar við horfum til orðræðu í fagi okkar og orðanotkun þá vitum við að þar er urmull orða sem lýsa náms- og starfsráðgjöf og stoðgreinum. Oft á tíðum hafa þau verið þýdd úr erlendum tungumálum en svo kemur að nýyrðasmíð einnig.

Það er mikilvægt að halda þessu til haga og miðla því þannig að orðræðan verði einstaklingum einnig töm.

Orð koma líka og fara - tungumálið er lifandi og endurnýjast.

Íslenski fáninn

Hér er hægt að fylgjast með upptöku sem var gerð 28. október.

Fram koma mennta- og menningarmálaráðherra, Lilja Dögg Alfreðsdóttir

Prof. Tristram Hooley frá The Inland Norway University of Applied Science

Soffía Valdimarsdóttir lektor við Háskóla Íslands

María Dóra Björnsdóttir deildarstjóri Náms- og starfsráðgjafar Háskóla Íslands

og að síðustu veiting viðurkenninga fyrir framlag til náms- og starfsráðgjafar.

Kynnir var Heimir Haraldsson náms- og starfsráðgjafi við Menntaskólann á Akureyri

Sýnileiki, samstaða og stafræn tilvera var yfirskrift dagskrár í tilefni af Degi náms- og starfsráðgjafar 28. október sl.

 

Félag náms- og starfsráðgjafa hefur veitt félagsmanni viðurkenningu fyrir framlag til nærsamfélagsins, fagsins eða stéttarinnar í fimmtán ár eða allt frá árinu 2006 þegar fyrsti Dagur náms- og starfsráðgjafar var haldinn hátíðlegur. . Tilgangur slíkrar viðurkenningar er að vekja athygli á  fagmennsku og nýsköpun í starfi náms- og starfsráðgjafa og framlagi einstakra félagsmanna til fags og stéttar.  Það er mikilvægt að leita til félagsmanna þegar kemur að slíkum viðurkenningum og óskaði   stjórn FNS eftir tilnefningum félagsmanna.  

Arnar Þorsteinsson hefur starfað við  náms- og starfsráðgjöf í rúm 20 ár, Hann hefur unnið að uppbyggingu og þróun á náms- og starfsfræðslu á margvíslegan hátt, annars vegar þegar hann starfaði á grunnskólastigi og hins vegar með því að leiða þróun og uppbyggingu á vefjum sem við náms- og starfsráðgjafar þekkjum glöggt, næstaskref.is og náms og störf.is  vefjunum. Nám og störf er náms- og starfsfræðsluvefur um verknám, rekinn af Iðunni fræðslusetri, rafmennt og Samtökum iðnaðarins.

Nanna Imsland er náms- og starfsráðgjafi við Menntaskólann á Egilsstöðum (ME) og hóf störf þar árið 2015  að lokinni meistaragráðu í náms- og starfsráðgjöf frá Háskóla Íslands.

Sýnileiki, samstaða og stafræn tilvera var yfirskrift dagskrár í tilefni af Degi náms- og starfsráðgjafa.sem var haldin í gær

Það var glaðvær hópur náms- og starfsráðgjafa sem hittist á Grand hótel við Sigtún.og augljós tilhlökkun.  Einnig voru náms- og starfsráðgjafar og aðrir áhugasamir sem fylgdust með í gegnum streymi.

Lilja Dögg Alfreðsdóttir mennta- og menningarmálaráðherra hóf daginn með ávarpi og þakkar Félag náms- og starfsráðgjafa ráðherra fyrir kröftug orð í garð fagsins og stéttarinnar

Félag náms- og starfsráðgjafa býður til opinnar dagskrár í tilefni af Degi náms- og starfsráðgjafar.

Það er félaginu mikill heiður að mennta- og menningarmálaráðherra, Lilja Dögg Alfreðsdóttir mun halda opnunarræðu.

Lykilfyrirlestur ( á ensku) flytur Prof. Tristram Hooley frá The Inland Norway Univeristy of Applied Science og ber heitið:

Why we need career guidance in the post-pandemic era

Hægt verður að fylgjast með í beinu streymi  - sjá nánari upplýsingar á https://fb.me/e/1Z0X6wNsp

Euroguidance á Íslandi hefur verið sterkur bakhjarl Félags náms- og starfsráðgjafa í gegnum árin.

Euroguidance hefur styrkt félagið þegar komið hefur að stórviðburðum eins og Dag náms- og starfsráðgjafar ásamt því að miðla upplýsingum og fróðleik um það sem er að gerast í Evrópu er varðar náms- og starfsráðgjöf.

Félagið vill þakka Dóru Stefánsdóttur sérfræðingi hjá Rannís sérstaklega fyrir hennar störf en hún er verkefnisstjóri Euroguidance, Evrópumiðstöðvar náms- og starfsráðgjafar og landstengiliður um fullorðinsfræðslu. 

Pages