Föstudaginn 20. nóvember sl. boðaði fagráð grunnskólaráðgjafa til fræðslu- og spjallfundar í Laugalækjarskóla frá kl.14:00-15:30. Fulltrúar náms- og starfsráðgjafa í fagráði grunnskólaráðgjafa þetta starfsárið eru Helga Tryggvadóttir, Olga Sveinbjörnsdóttir og Þuríður L. Rósinbergsdóttir. Borist hafði beiðni til FNS um vettvang til að kynna hlutverk og verklagsreglur fagráðs eineltismála í grunnskólum sem starfrækt er á vegum Menntamálastofnunar.
Við í stjórn FNS óskum ykkur öllum gleðilegs nýs árs með von um ánægjulegt og faglegt samstarf á nýju ári. Heimasíðan okkar hefur verið í endurnýjun og er smátt og smátt að taka á sig mynd. Það væri ánægjulegt að fá frá ykkur félagsmönnum ábendingar um áhugavert efni sem ætti heima á síðunni auk þess að fá sendar upplýsingar um viðburði, t.d. framhaldsskólakynningar, á netfangið vefstjori@fns.is. Viðburðir munu birtast í viðburðadagatali síðunnar. Allar ábendingar um það sem betur má fara eru vel þegnar.
Fræðslunefnd hefur skipulagt heimsókn til Rannís sem hýsir Landskrifstofu Erasmus+ mennta- og æskulýðsáætlunar ESB og Evrópumiðstöð náms- og starfsráðgjafa miðvikudaginn 9. desember kl 15-16:30. Á dagskrá er stutt kynning á heimasíðunni www.farabara.is og kynning á því ferli að fara í nám erlendis. Einnig verður kynning á styrkjum og tækifærum til faglegrar þróunar og samstarfs innan Evrópu fyrir náms- og starfsráðgjafa með Erasmus+.
Fundur á vegum fagráðs grunnskóla. Föstudaginn 20. nóvember nk. kl.14-15:30 verður haldinn fundur í fagráði grunnskóla FNS í Laugalækjaskóli. Fundarefni er kynning frá fagráði eineltismála.
Evrópumiðstöð náms- og starfsráðgjafar, Félag náms- og starfsráðgjafa, Norræna tengslanetið um menntun fullorðinna og Fræðslumiðstöð atvinnulífsins héldu ráðstefnu með yfirskriftinni Færni til framtíðar - mótun starfsferils föstudaginn 30. nóvember sl. og var hún hlut af árlegum degi náms- og starfsráðgjafar.
Frá árinu 2006 hefur það tíðkast að stjórn FNS veiti heiðursviðurkenningu fyrir störf í þágu náms- og starfsráðgjafar. Óskað er eftir tilnefningum til félagsmanna varðandi hverja þeir telja hafa lagt eitthvað sérstakt til málanna eða unnið að verkefni sem hefur markað spor í náms- og starfsráðgjöf. Þetta árið líkt og önnur bárust áhugaverðar tilnefningar og vitum við öll að margir félagsmenn eru verðugir þessarar viðurkenningar.
Uppskeruhátíð námsbrautar í náms- og starfsráðgjöf og Félags náms- og starfsráðgjafa verður haldin 9. október 2015 kl. 12:15 -15:30 í Háskóla Íslands, Stakkahlíð, Hamar-Bratti. Yfirskrift hátíðarinnar er: Náms- og starfsráðgjöf: Lykill að farsælli skólagöngu fjölbreytts nemendahóps. Dagskrá má finna á facebook síðu félagsins.
Fagráð náms- og starfsráðgjafa framhaldsskólanna boðar til fundar mánudaginn 5. október kl. 14:30 – 16:00 í Framhaldsskólanum í Mosfellsbæ. Fundarefnið er skimunarlistinn fyrir nýnema og mun Kristjana Stella Blöndal vera með erindi. Í lokin verða almennar umræður um fyrirlögnina og reynslu af notkun listans. Boðið verður upp á fjarfund Svanhildur, Unnur og Sunna vonast til að sjá sem flesta.
Stjórn FNS hefur boðað þá aðila sem sitja í nefndum og ráðum fyrir FNS til stefnumótunarfundar nk. föstudag þar sem ráðgert er að leggja drögin að komandi starfsári. Sambærilegur fundar var einnig haldinn á síðasta ári við góðar undirtektir og teljum við í stjórninni þetta góða leið til að hefja nýtt starfsár. Félagsmenn munu í kjölfarið fá frekari upplýsingar um það sem framundan er en hér má sérstaklega nefna Uppskeruhátið nema í náms- og starfsráðgjöf þann 9. október nk. og Dag náms- og starfsráðgjafa sem haldinn verður þann 30. október nk.
