Borgarholtsskóli býður náms- og starfsráðgjöfum í grunnskólum árlega í heimsókn til að kynna námsframboð og námsfyrirkomulag skólans. Heimsóknirnar hafa reynst vel og skapast góðar og gagnlegar umræður beint við stjórnendur skólans og náms- og starfsráðgjafa. Nemendur skólans koma af öllu landinu og því koma náms- og starfsráðráðgjafar víða að í heimsókn til okkar. Þar sem náms- og starfsráðgjafar í grunnskólum eru mikilvægur hlekkur í ákvörðunartökuferli nemenda í 10. bekk er mikilvægt að hafa allar upplýsingar réttar og þess vegna skiptir svona heimsókn miklu máli.

Þegar líða tekur á veturinn og vorið nálgast þá fara ungmenni í 10. bekk að huga að næstu skrefum er varðar áframhaldandi menntun og störf.

Náms- og starfsráðgjafar í grunn- og framhaldsskólum taka höndum saman og standa að fræðslu um námsmöguleika á framhaldsskólastigi, iðnnámi og verknámi. Mikil og góð samvinna hefur skapast í gegnum árin.

Á vefnum naestaskref.is er að finna fjölbreyttar upplýsingar um nám og störf og annað gagnlegt efni.

Ef vill eru margir að velta fyrir sér starfi jólasveinsins - hér er hægt að fræðast meira um það!

Helga Valtýsdóttir - varaformaður Félags náms- og starfsráðgjafa.