Hrönn Baldursdóttir, Líney Árnadóttir og VIRK Starfsendurhæfing hljóta viðurkenningu Félags náms- og starfsráðgjafa.
Félagið veitir árlega viðurkenningu til handa félagsmanni. Tilgangur slíkrar viðurkenningar er að vekja athygli á fagmennsku og nýsköpun í starfi náms- og starfsráðgjafa og framlagi einstakra félagsmanna til fags og stéttar. Framlag viðkomandi er metið mikils og eftir því tekið á meðal félagsfólks enda taka þeir þátt í að tilnefna til viðurkenningarinnar.
Að teknu tilliti til tilnefninga sem bárust stjórn FNS hefur hún ákveðið að veita tveimur félagsmönnum viðurkenningu svo og verkefni. Þetta eru þær Líney Árnadóttir náms- og starfsráðgjafi hjá VIRK og Hrönn Baldursdóttir náms- og starfsráðgjafi hjá Fjölbrautarskóli Ármúli.
VIRK starfsendurhæfingarsjóður fær viðurkenningu fyrir lofsvert framlag með því að styðja við útgáfu á gagnvirka verkefninu: Hver ert þú? sem notað er við ráðgjöf hjá VIRK og nýtist auk þess víðar í náms- og starfsráðgjöf.
Við óskum öllum handhöfum viðurkenningar Félags náms- og starfsráðgjafa til hamingju!
Hrönn Baldursdóttir með verðlaun og viðurkenningu sína á ráðstefnu FNS á Akureyri 2022
Jónína Kárdal formaður Félags náms- og starfsráðgjafa og Líney Árnadóttir
Jónína Kárdal formaður Félags náms- og starfsráðgjafa og fyrir hönd VIRK Starfsendurhæfing, Vigdís Jónsdóttir framkvæmdastjóri VIRK
